Selena Gomez’s Rare Impact Fund tan Lionel Messi

Selena Gomez-i'n Rare Impact Fund Benefit a buatsaih turah A-list star tam takin auction tur an thawh a, an zingah hian football star Lionel Messi pawh a tel.

'Only Murders in the Building' star leh Rare Beauy founder, Gomez hian vawiin hian Los Angeles-a Nya Studios-ah Rare Impact Fund Benefit vawi khatna tur hi a buatsaih dawn a, heta ṭanga an sum hmuhte hi rilru lama harsatna neite puihna leh hemi chungchanga ṭhalaite zirtirna atana hman a ni ang. Rare Impact Fund tan hian cosmetic lines, Rare Beauty chuan an cosmetics hralhna aṭangin 1% a pe ṭhin bawk a ni..

Vawiina live-auction neih tur zingah hian Lionel Messi hming sign-na jersey, Jewel signed guitar, Luke Combs VIP concert ticket-te an tel. Messi hian event-ah hian a inlan dawn nia sawi a ni bawk.