Embryo siam danglam an phal

Britain sorkar chuan Francis Crick Institute, London-in dilna an thlen ang, hmeichhe chhul chhunga naute insiam ṭan, naute tak tak a la tlin hmaa mi chu a genetic-te tihdanglam (modify) a phalsak.

Phalna a pek takah chuan scientist-te hian embryo (naute insiam ṭanna tur) chu an siam danglam thei tawh dawn a, hei hian inthlah≠chhawn aṭanga natna kai theih enkawl dan tur te, a tihreh dan turte scientist-te hi a hriattir thei dawn a ni. Mahse sorkar chuan hetianga khawih danglam tawh embryo hi chu pian chhuahtir emaw, puitling tura ṭhanlentir a phal lo thung.

Hetianga zirchian phalna an dilna chhan pakhat chu nau chhiat leh nau pai theih loh a tam hle a, chumi sutkian a, nupa tam tak harsatna tihtawp an duh a ni. Mithiam tak takte pawhin nau chhiat a nih ṭhinna chhan leh nau pai theih loh ringawt awm fo ṭhin chhan hriat loh tam tak an nei a ni.

Mipa chi leh hmei≠chhe chi inkawp tawh, naute insiam ṭan tur, embryo ni khat leka upa zir≠chian hi sorkar chuan a phalsak ta a; mithiam≠te chuan technique thar Crispr hmangin chu embryo-a gene chu a mal mal≠in an enfiah ang a, a khawi ber hi nge hrisel taka ṭhanlenna atan pawimawh tihte an zirchiang dawn a ni. He zir≠chianna aṭang hian nau chhiat a nih chhan leh nau an pai theih loh ṭhinna chhan tam tak a hriat theih dawn a ni. Scientist-te hian embryo ni khat leka upa aṭanga kar khata upa thlengin an zirchiang thei ang a, an siam danglam tawh embryo chu chhul chhunga dah luh leh dan chuan a khap.

Scientist-te hian an an duh anga embyo hi an siamdanglam theih chuan nakinah chuan nausen piang tur hi a embryo a nih lai aṭangin a pian chhuah a, hrisel lohna, a bikin inthlahchhawn aṭanga kei theih turte an veng lawk thei dawn a, nau hrisel zawk an piang thei dawn a ni.