Film lianho bul an ṭan dawn

Khawvelin an chan hma hauh aṭanga en a chak tawh movie lianho chu kumin chawhma lam, tun nipui chho aṭang hian an chang ṭan tawh dawn. Heng film hi Avatar, Transformers, The Wolverine, Fifty Shades of Grey chhunzawmna, Blade Runner 2 leh Alien Covenant te an ni.

Avatar 2 hi April thla aṭang hian an chang ṭan dawn a, he movie hi kum 2017 Krismas-a tihchhuah tura ruahman a ni a, mahse hei ai pawh hian a tlai mai thei a, kum 2018 daih pawh a ni mai thei. An channa tur hmun hi New Zealand-a Tax Day-ah a ni dawn.

The Wolverine 3 hi March 3, 2017-a tihchhuah tura ruahman a ni a, kumin April thla aṭang hian New Orleans leh New Mexico-ah te an chang ṭan ang. Hugh Jackman bawk a chang leh dawn. Transformers 5 hi May thla aṭanga chan ṭan tura ruahman a ni bawk a, Mark Wahlberg bawk kan hmuh leh a rinawm; tlangzarh hun tur an la sawi chiang lo.

Fifty Shades of Grey chhunzawmna tur hi tun thla aṭangin an buaipui chho ṭan tak tak ang a, kum 2017 Valentine's Day-a tihchhuah tum a ni. Prometheus chhunzawmna, Alien: Covenant hi April thla aṭang khian Sydney, Australia-ah an chang ṭan ang a, Ridley Scott-a direct leh tur bawk a ni a, October 6, 2017-ah tihchhuah tur a ni. Blade Runner 2 hi July thla aṭangin UK leh Hungary-ah an chang ṭan bawk ang.