Kids choice awards 2016 nomination an puang

Naupangte puala award siam, khawvelin a ngaihhlutpui tak, Kids' Choice Awards 2016 chu nomination an puang ta a, music huang chhungah chuan Taylor Swift leh Justin Bieber te an langsar a, movie lamah chuan Star Wars: The Force Awakens, Jurassic World, Avengers: Age of Ultron leh Ant-Man te an langsar.

Taylor Swift leh Justin Bieber te hi category pathumah an lang a, Favorite Song of the Year leh Favorite Collaboration-ah te an pahniha hming a lang kawp. Swift hla 'Bad Blood', Kendrick Lamar nena an sak dun chu Favorite Song of the Year-ah a lang a, he category-ah hian Bieber-a hla 'What do you mean?', The Weeknd hla 'Can't feel my face', Adele hla 'Hello', Drake-a hla 'Hotline Bling' leh Ed Sheeran hla 'Thinking out loud' te a awm.

Swift leh Bieber baka rinkai deuh dangte chu Fall Out Boys, Fifth Harmony leh One Direction te an ni a, heng group pathumte hi Music Group-ah an lang vek bawk.

Movie huang chhungah chuan "Star Wars: The Force Awakens", "Jurassic World", "Avengers: Age of Ultron" leh "Ant-Man" te an langsar a, heng bakah hian "Cinderella", ''Daddy's Home", ''Pitch Perfect 2", leh "The Hunger Games: Mockingjay Part 2" te chu mi rin pawl an ni. Movie star zingah chuan Robert Downey Jr., Chris Pratt, Jennifer Lawrence, Rebel Wilson leh Will Ferrell te hi naupang leh tleirawl kum naupang zakw zingah an tla na hle.

TV lamah chuan The Big Bang Theory leh Modern Family te kum naupang lamin an lawmin hmuhnawm an ti hle a ni ang, Kids' Choice nomination list-ah hian a langsar ber an ni. Big Bang Theory hi category pahnihah a lang a, Modern Family pawh pahnihah tho a lang bawk. "Marvel's Agents of S.H.I.E.L.D.", "Modern Family", "Once Upon a Time", "The Big Bang Theory", "The Flash", leh "The Muppets" te hi TV show lar ber ber an ni.