Take It Easy Eagles signature hla pian chhuahna
Eagles dintute zinga mi, Glenn Frey thihna chuan Arizona-a khaw lian vak lo, Winslow khua chu a bik takin a ṭh‚wng a, Frey thih hnuin he khua hian tlawhtu a ngah lehzual phah hle nghe nghe. He khua hi kum 2010 chhiarpuiah kha chuan mi sing khat vel chauh an awm.
Winslow hi khaw lian lo tak ni mah se, Eagles band tan chuan khaw pawimawh tak a ni a, an band hla chuam leh hit em em 'Take it easy' nen a inphiar zawm tlat a ni. 'Take it easy' hi Eagles album hmasa ber, Eagles album-a side A-a hla hmasa ber a ni a, Eagles-in single an tihchhuah hmasak ber a ni.
Kum 1971 kha a ni a, hemi kum hian Eagles band an din a ni. Hemi kum hian hla phuah thiam, a hnua Rock 'n' Roll Hall of Fame-a lakluh ni ta, Jackson Browne chuan hla a phuah a, a phuah puitling hlei thei lo a, ch‚ng hnihna tlar khatnaah a tawp tlat mai. A ṭhianpa, a hnua a ṭhenawm pa ni zui ta, Glenn Frey chuan a hla phuah chu a ensak a, hla ṭha tak tur niin a hria a, a phuah zawhsak ta a ni. Chu hla chu Eagles hla lar leh hit 'Take It Easy' tih hi a ni.
Eagles chuan 'Take it easy' chu an album hmasa berah an khung a, kum 1972 khan single-in an tichhuak bawk a, a hlawhtling hle. Kum 1972 Billboard Hot 100 chart-ah 12-na lai a thleng pha. A hnu thlengin hralh a kal reng a, Eagles band signature song a ni ta ber mai a, The Rock and Roll Hall of Fame-a 500 Songs that Shaped Rock and Roll-ah pawh a lang pha nghe nghe.
He hla chang hnihna bul ṭannaah ìWell, Iím a standing on a corner in Winslow, Arizona and such a fine sight to see,î tih a chuang a, chuvang chuan he hla hi Winslow khua hian an ngainat phah a, an khaw tana hla rotling a ni hial awm e. Winslow khaw hotute chuan Jackson Browne-a'n an khua a lo chuan tawhna, hla hiala a phuah chhuah takna hmun chu cheibawl ṭhain an hria a, an cheibawl ta a ni.
Kum 2001 khan Winslow khaw hotute chuan 2nd Street leh Kinsley Street intawhna lai takah milim an din ta a ni. Mi pakhat, sam sei takin ṭingṭang a keng/ hawl lai lim an din a, chu milim dinna hmun chu 'Standin' on the Corner Park' tiin an vuah nghe nghe. Hetia 'Take It Easy' behchhana thil an siam takah chuan Winslow khua, a hmaa khaw hung tak, a hnua mi tlawh lutuk tawh loh chuan tlawhtu a ngah belh leh ta hle. He hmun avang hian kum tin mi nuai khat velin Winslow khua hi an tlawh ṭhin.