Rock album chart-ah Megadeth

Megadeth-in album an tihchhuah thar chu a hlawhtling chho hle a, Billboard Rock Album Chart-ah pawh pakhatna hial a hauh thei.

Megadeth studio album 15-na Dystopia hi Nielsen Music chuan kar liam ta chhung khan copy 48,000 an hralh angin a tarlang a, kum 2007-a United Abominations album an tihchhuah hnua an hralh ṭhat ber a ni. United Abomination album hi kar khat chhungin copy 54,000 zet an hralh thei.

Dystopia hi Megadeth tan chuan album chhuanawm tak a ni a, Hard Rock Albums chart-a pakhatna hauh an album pathumna a ni. Kum 2009 khan Endgame hmangin pakhatna an lo hauh tawh a, kum 2011 khan Th1rt3en hmangin pakhatna an lo hauh tawh bawk. He album hi Billboard 200-ah pathumnaah a awm bawk.