TBZ Choir 'Mala awm lohna hmunah'

Thlarau Bo Zawngtute (TBZ) zaipawl, TBZ Choir chuan music video thar an tichhuak a, an music video hi 'Mala awm lohna hmunah' tih a ni. TBZ Choir hian music video an siam khat hle a, hun eng emaw chen hnua an music video hmasa leh ber a ni. Tuna mi hma hian pahnih an lo siam tawh. TBZ Choir hian hei bakah hian music video dang siam leh turin hma an la a, mahse tunah rih chuan February 19-21 chhunga TBZ Inkhawmpui an neih tur atan an inbuatsaih rih.

TBZ hi Mizorama parachurch zinga missionary tir chhuak hnem ber an ni a, tunah hian missionary 137 an tir chhuak mek a, Madhya Pradesh, Maharastra, Bhutan, Bangladesh, Rajastha, Jamshedpur-ah te mission field an neih bakah, Mizoram Presbyterian leh Khasi Presbyterian Kohhrante nena an thawhdunna hnuah thawktu an nei bawk. TBZ Choir-ah hian conductor leh keyboardist nen mi 26 an awm mek a, conductor hi J. Vanlalhruaia niin, an keyboardist hi Lalmuanpuia a ni a, Heritage Wall of Fame-ah a music thiam avangin lakluh a ni nghe nghe.