MDM-in Library Day an hmang

Mizorama Music Video library mumal taka awm hmasa ber leh a duh apiang tana hawh chhuah theihna MDM chuan Ni≠ngani khan MDM Office, Bazar Bungkawn, Dawrpui Vengthar Road-ah Library Day an hmang. MDM library hi kum 2011 a din
ṭan a ni a, kum 2013 aṭangin mumal takin library neih chhoh ṭan a, zai leh rimawi tan cheng nuai 18 chuang a thawk chhuak tawh. MDM Library aṭang hian Music video thar apiang Mizorama cable hrang hrang, MDM Library zawmtute hnenah thla tin thawn chhuah ṭhin ani a, heng Music video bakah hian MDM live Performance awmna Session at D-11 leh Live Wire hmuhnawm tak takte subscriber te tan lak chhuah tur a awm reng.

TBCA ñ MDM library subscribe-tu cable hrang hrangte hnenah lawmthu ka sawi a, Mizo zaithiam zawng zawng ten he library-ah hian lungrual takin inchhungkhawm ila, tun aia nasa zawk hian zaithiamte hian hma kan sawn ngei ka ringin ka beisei

BETHSY ñ Hun kha leh chen zai≠thiam ten kan video leh hla hrang hrangte hautak tak leh kalphung mumal lo taka kalpui anih hnuah, huaisen tak leh hmathlir thui tak neia zaithiamte hmasawnna tur leh hamṭhatna tur rahbi ṭha tak mai MDM Library an han siam ta hi ava ṭha em.

RINTEA(Albatross)ñ Mizo zaithiam ten video sum tam tak senga an siam chu cable TV hrang hrang aṭanga sum leh pai zaithiam ten an lo hmuh let ve nan tia MDM library, Mizoram tana hmasa ber alo awm hi a lawmawm takzet a ni. Zaithiamte tana ṭha≠hnemngaia ngaihtuahna lo sengtute hi an fakawm ka ti hle.

C.SANGA ñ Zaithiamte tana hmathlir thui tak nei, tun mai ni lo, tu leh fate thlenga chhenfakawm MDM library hi a chhuanawm hle a ni.

TETEA (J & J) ñ MDM hi zai≠thiamte tana hmasawnna bung thar min hlangkaitu a ni. Kan video te humhalh a, man man zawka min buaipuisaknaah hian kan vannei hle. MDM vang hian zaithiam ten kan hamṭhatna neih theihte hi haichhuakin, chuh thiam zel ila, hlawk zawk leh ei tling zawkin Mizo Music Industry hian hma a sawn ngei ang.

FELI FANAIñ MDM awm hmaa Music Video te chu TV-ah dah tawp, chhuah tawp kha a nia, tunah chuan MDM zarah thla tin kan video aṭangin Royalty kan dawng thei tate hi Video siam leh dawn pawhin min tiphursarh tawh a ni. Hei bakah hian kan hruaitute zarah zaithiam ten hamṭhatna leh zai chhuah theihna event hrang hrang min huaihawtsak bawk a ni.

DAVID VANLALPEKA ñ Hun rei tak Mizoramin Music Industry kal≠phung mumal a neih loh laia MDM-in hmathlir thui tak neia hma a rawn la hi a lawmawm ka ti hle a, phurna nasa tak a rawn thlen a, MDM avang hian Zai leh Rimawi lama tui miten hmabak eng tak kan neiin ka hria. MDM vul zel rawh se.

AMTEA ñ MDM zarah zaithiamte awm ze neiin kan zai ve thei ta. Tun chinah hi chuan MDM-a awm bak hi duhthlanna dang awmin ka hre lo ka tan chuan.

SUMEONA - MDM kaltlanga zai≠thiam tam tak ten hlawkpuina kan hmu hi MDM hi ka chhuang tak zet a ni. Kei ngei pawh hian MDM kaltlanga hlawkna leh hmasawnna tam tak ka hmu hi ka thinlung takin ka lawm tak zet a ni.

SAWMTEA ñ Zaithiamte tana mumal taka kan hlate dah ṭhatna awm chhun MDM Library kan nei hi Zaithiamte kan vannei tak zet a ni. Mizo zaithiam ten MDM Library hi a pawimawhna hria in hlut zel ila, MDM Library la hmang ve lo te pawhin hmang ve a, in-register vek turin ka sawm bawk a ni.

FAMKIMI KAWLNI ñ MDM Library-a ka video te ka dah hi ṭha ka tiin, zaithiamte hmasawnna tur leh kan hlut vena tur MDM a awm hi a ṭha ka ti tak zet a ni. MDM vul zel rawh se.

NGURTHANGVELA ñ MDM kal≠phung hi khawvel ram changkang zawkte tihdan entawna a duan a ni a. Kan hotu ten mithiam zawk te rawn kualin, zaithiamte hamṭhatna tur a tam thei ang ber an hmuh theih dan tura rua≠hmanna siam a ni. Mizoram zai mite tan pawl hrang hrang a lo ding tawh a, chung zingah MDM hi rintlak bera ngaih a ni. Zai mite pawn hamṭhatna an hmuh tawhna ber niin ṭha an ti hle.

MANUNA (HARD RAY) ñ MDM-in library an siam hma khan 'song of the week/ month' te kan lo hauh ve ṭhina nuam kan ti ṭhin khawp mai. Mahse tunah chuan ṭhazual, topper emaw playlist-ah kan lan chuan nuam kan tih piahlamah pawisa kan dawng ta zel mai. MDM hmalakna hi full support ka pe e.

PENSY ñ MDM Library kan hman ṭan atangin kum reilote chhungin, kawng tam takin a hlawkna kan hmu a, a hmangtute zingah a hlut berte zinga mi ka nih ka ring hial a ni. MDM hruaitute hmalakna leh inpekna a fakawm em em a, hlu leh zual tur chuan a zai mite bakah thlirtute kan pawimawh hle a ni

C.ZARMAWIA ñ Mizorama zai mite tan hian hlawhchhuah tur a van em em laia MDM library kal tlanga zaimiin ama zai hlawh ngei lak theih a, an chhawpchhuahsak hi suangtuahna thil, a taka lo thleng kha a ni a, thil ropui tak a ni. MDM vul zel se hmalam pan zel turin dusakna ka hlan mawlh mawlh e.