The Voice-ah Miley Cyrus

Miley Cyrus chuan The Voice Season 10-ah a inlan dawn tih a sawi chhuak a, adviser angin a lang dawn a nih hmel.

Nilaini khan Cyrus hian The Voice-a a lan tur thu hi a puang a, Twitter kaltlangin a sawi chhuak a ni. Twitter-ah hian key adviser tih a tarlan tel avangin adviser lamah a ṭhut hmel viau. Kum 2014 khan Taylor Swift chu adviser-in a lo awm tawh bawk.

The Voice Season 10-ah hian Christina Aguilera kan hmu leh dawn a, Adam Levine, Blake Shelton leh Pharrell Williams te pawh kan hmu leh bawk ang. The Voice hi February 29 aṭangin NBC-ah tihchhuah ṭan leh a ni ang.