Billboard 200: Rod Wave-a'n ro a rel chhunzawm

Billboard 200 albums chart-ah Rod Wave chuan a album, 'Nostalgia' hmangin ro a rel chhunzawm.

Rapper hian a kar hnihnaah equivalent album unit 88,000 nei lehin, kar hnih chhung chart chung ber a luah thei a ni. A album-a hlate hian stream mtd 125 vel an nei bawk. Equivalent sales 87,500 neitu Olivia Rodrigo 'Guts' chu no. 2-ah awmin an inthlau lo hle.

Chart luahlumtu, Morgan Wallen 'One Thing at a Time' chu no. 3-ah a rawn chho leh bawk a, unit 73,000 a la nei pha. Hetih lai hian Doja Cat album tihchhuah thar, 'Scarlet' chuan unit 72,000 neiin, no 4-ah a lang pha chauh a ni. Top 5 hi Zach Bryan chuan a self-titled album hmangin a rawn khar.

Billboard 200 chart-ah hian SZA, Travis Scott, Peso Pluma leh Taylor Swift-te album bakah, Zach Byran chuan album dang pakhat a la lanpui thei bawk a ni.