Kat Von D-i'n baptisma a chang

Reality show - LA Ink leh Miami Ink-te aṭanga hriat lar, beauty entrepreneur, singer leh tattoo artist Kat Von D chu Christian-ah inpein baptisma a chang. Indiana biak ina baptisma a chang lai video pawh amah ngeiin a dah chhuak a ni.

Tattoo artist anga a awm laiin Kat hian rock leh metal community member tam tak tattoo a lo chhutsak tawh a ni. Kum 2021 khan a album hmasa ber, 'Love Made Me Do It' a tichhuak bawk.

Kat hian Witchcraft leh macabre lamte a buaipui ṭhin a, mahse, nikum July thla khan hengte hi kalsanin a hmanrua leh lehkhabute pawh a paih bo vek thu a IG-ah a sawi a, heng thilte hi a chhungkuaa seng luh a duh tawh lo tih a sawi.