Taylor Swift tour film ticket hralh hnem tawh

Taylor Swift 'Eras Tour' concert film siam chu tihchhuah a nih hma aṭangin a hit nghal der.

Distributor, AMC chuan advance ticket sale aṭangin USD mtd 100 an hmu tling tawh tih sawiin, demand pawh a la sang hle tih a sawi. Eras Tour film hi kar leh Zirtawpni hian ram 100 chuangah tlangzarh a ni ang.

'Eras Tour' a neih mekah pawh Swift hian record a siam chho zel a, nakkum kum tawp lam thlengin tour hi a chhunzawm dawn. A tour zawh meuh chuan stadium ticket sale hi USD tld 1.4 vel tling tura chhut a ni a, tour aṭanga sum la lut hnem ber record chelh mektu, Elton John chu a khum ngei dawn a ni.