Taylor Swift 'Folklore' hralh a la kal ber

Billboard 200 chart-ah Taylor Swift album thar 'Folklore' bawkin ro a la rel chhunzawm a, US-ah chuan album hralh kal ber a la ni zel. Pop Smoke 'Shoot For The Stars Aim For The Moon' chu pahnihna a ni a, Juice WRLD 'Legend Never Die' chu pathumna a ni leh bawk.

Taylor Swift studio album pariatna 'Folklore' hi chart hmasa pawh khan Billboard 200 chart roreltu a ni tawh a, tun chart-ah pawh hian khum thei an la awm lo a, pakhatna bawk a ni leh.

Eng ang chena rei ngei Billboard 200 chart-ah hian a lan dawn hriat a chakawm hle a, a album tihchhuah tawh zinga paruk chu a zawnin a tihchhuah karah chart No.1 a nihpui thei a, 'Folklore' a tihchhuah kara No.1 a rawn nih leh tak avang khan a zawnin album pasarih a tihchhuahte chu tihchhuah karah No.1 a nihpui thei ta a ni. 

'Folklore' hi tlangzarh a nih ni khan Spotify-ah chuan darkar 24 chhungin stream maktaduai 80.6 a nei hman a, hmeichhe zinga tlangzarh nia stream hlawh ber 'Guinness World Record' a siam hial.Spotify bakah hian Apple Music-ahte pawh record a siam bawk.

Billboard 200 chart No.1-te pawh lo ni tawh Pop Smoke 'Shoot For The Stars Aim For The Moon' chu palina aṭangin pahnihnaah a rawn invawrh leh a, Juice WRLD 'Legend Never Die' chu a dinhmun ngai pathumnaah a ding chhunzawm thung. 'Legend Never Die' pawh hi pakhatnate pawh a lo ni tawh bawk a ni.

Original Broadway Cast 'Hamilton: An American Musical' chu palina a ni a, kar 254 chhung Billboard 200 chart-ah hian a cham tawh. Pakhatna erawh a la ni lo a, pahnihna dinhmunahte chuan a lo han ding zuai zuai tawh thung.

Pasarihna Harry Styles 'Fine Line' pawh hi chart-ah a lang rei tawh a, kar 34 a lang tawh a ni. Post Malone album hit tak 'Hollywood's Bleeding' pawh top 10-ah a la inlan a, tun chart-ah hian pakuana bawk ni lehin kar 48 lai Billboard 200 chart-ah hian a lang tawh a ni.

1    Folklore    Taylor Swift

2    Shoot For The Stars Aim For The Moon    Pop Smoke

3    Legends Never Die    Juice WRLD

4    Hamilton: An American Musical    Original Broadway Cast

5    My Turn    Lil Baby

6    BLAME IT ON BABY    DaBaby

7    Fine Line    Harry Styles

8    Wunna    Gunna

9    Hollywood's Bleeding    Post Malone

10    The Lion King: The Gift (Soundtrack)    Beyonce & Various Artists