Hot Christian Song No. 1-ah Chris Tomlin 'Holy Forever'

Billboard streaming - airplay leh sales-based Hot Christian Songs chart-ah Chris Tomlin 'Holy Forever' chu no. 1-ah a awm chhunzawm zel. Kar 59 chhung a chung berah hian awm tawhin, kum 20 chhunga chart history-a a chung bera awm rei thei ber record a siam.

Chris Tomlin dawtah hian Elevation Worship 'Graves Into Gardens' (featuring Brandon Lake) chu kum 2020-21 chhung khan no. 1-ah hian kar 46 chhung a lo awm thei tawh bawk a ni.

Tomlin hian chart-ah no. 1 ni thei hla pasarih a nei tawh a ni. Kum 2016, February thla khan a vawi khatna atan 'Good Good Father' chu top chart-ah lanpuiin, kar sarih chhung pakhatna dinhmun hi a hauh thei a ni.

'Holy Forever' hi Jason Ingram, Brian Johnson, Jenn Johnson leh Phil Wickham-te nena an siam a ni a, August aṭang khan kar ruk chhung chu Christian Airplay-ah a chung berah a awm bawk.

Gospel Airplay-ah Anthony David leh Algebra Blessett-te hla, 'Heaven' chu no.1 a ni bawk. Hei hi kum samw chuang hnua an thawh dun lehna hmasa ber a ni. 'Heaven' hi BeBe&CeCe Winans-te chuan km 1989 khan lo record tawhin, Top Gospel Album-ah pawh an lo lanpui tawh a ni. He hla hi BeBe Winans leh Keith Thomas-te an siam a ni. Anthony David leh Algebra Blessett-te hian duet album an buaipui mek.