Jungkook-a'n solo concert nei dawn

10th October, 2023

BTS Jungkook chuan November thla hian a solo concert hmasa ber a nei dawn.

BIGHIT Music chuan nimin khan he thu hi puangin, Jungkook hian November 20-ah 'GOLDEN' Live of Stage show a nei dawn tih an sawi. He hunah hian a solo album thar tur, 'GOLDEN' a hlate a perform ang.

“‘GOLDEN’ Live On Stage” hi Seoul-a Jangchung Arena-ah, an ram huna November 20 zan dar 8-ah a nei dawn a, a hmuna kal ve thei lo fan-te tan online-a stream theih a ni bawk ang. Jungkook hian a solo album hmasa ber tur, 'GOLDEN' chu November 3 hian a tlangzarh dawn a ni.