Shah Rukh Khan tan Y+ security pe

Bollywood superstar, Shar Rukh Khan chuan vauna a tawh avangin Maharashtra security agency chuan Y+ security a pe.

Mumbai Police-te chuan Y+ security pek a nih thu hi nemnghet mah se, eng ang vauna chiah nge a tawh erawh an sawi lang lo. Y+ security pek a nih avangin SRK hi security mi leh sa 11-in an veng reng tawh dawn a, heng zingah hian commando paruk, police pali leh traffic clearance vehicle pawh a tel. SRK hian a security man hi amahin a pe dawn a, high-level committee in a ennawn leh hma chu Y+ security hi pek chhunzawm a ni ang.

Nikum November thla khan Salman Khan pawh gangster Lawrence Bishnoi hnen aṭanga vauna a dawn avangin Y+ caterogy security pek a lo ni tawh bawk.