Kylie Jenner-i'n sawisel a hlawh

"The Kardashians" star, Kylie Jenner chuan Hamas leh Israel inbeih mek chungchangah Israel thlawpna thu IG story-ah a post a, mahse, a hnu lawkah a delete leh nghal. A delete hnuah pawh online user-te'n an bei chhunzawm a, ṭhenkhat phei chuan 'disgusting' ti te'n an sawi zui.

X leh Instagram lamah Kylie chu mi tam takin sawi zuiin, thil thleng tak tak engmah hrethiam lo, 'trend' a nih avanga ti ve mai mai ti tein an sawi. Kylie bestfriend-te, Bella leh Gigi Hadid-te hi Palestinian thlah an nih avangin Palestinian-te zalenna duha aw chhuah reng an ni a, hetih laia a best friend-te dinhmun engmah hrethiam loa a post ve ringawt chu thil engmah a hriatthiam lohzia a tilang a ni, ti tein an sawi zui bawk.