A duhthlannaah Sharon Stone inchhir lo

'Basic Instinct' actress, kum 65 mi ni tawh Sharon Stone chuan Hollywood aia a chhungkua a dah pawimawh leh dah hmasak chungchangah inchhirna a neih loh thu a sawi.

Sharon Stone hian fapa pathum, Roan (23), Laird (18) leh Quinn (17) te a nei a, kum 2001 khan a thluaka thisen zam chat vangin harsatna nasa tak a lo tawk tawh a, dam khawchhuahna chance pawh 1% chauh a nei tia sawi a lo ni hial tawh a ni. A hriselna lam a ṭhat loh hnuah film lama a carreer pawh a hloh chho niin a ngai a, Hollywood lam pawhin an rawn ngaihven zui tawh lo niin a sawi. Mahse tuna a nun dan leh a dinhmunah chuan a hlim tawk hle tih sawiin, "Hollywood aia nu ka nihna ka dah pawimawh leh ka thlang hmasa zawk hi ka lawm hle zel a ni," a ti.