Simon Cowell thlaktu tur Kelly Clarkson

America’s Got Talent neih mek a judge Simon Cowell chuan accident a tawh vangin Kelly Clarkson chuan a hmun ruak a luah dawn. Simon Cowell hi a in kawta a electric bike thar a khalh chhinnaah a chesual a, hei vang hian a hnungzang ruh ṭhenkhat a ti tliak a, America’s Got Talent neih meka judge hna a thawh pawh a chhunzawm thei lo a ni.

Simon hian a din­hmun pangngai awh leh turin kar kar 8 aṭanga kar 10 vel hun a mamawh dawn a, chu ai pawh chuan a ngai rei mai thei. A hmunruak chu Kelly hian a lo chhunzawm thei dawn a, Kelly hi 'the voice' judge-ahte pawh lo ṭang tawh a nih avangin helamah hi chuan tawnhriat ngah ve tawh tak a ni bawk. Cowell hi Inrinni zan khan darkar 5 lai zai a ni a, Pathiannia a aiawha thuchhuah siamtu chuan a hnungah hian metal rod leh fusion eng emaw zat an phum tih a sawi.

America’s Got Talent season 15 hi June thla khan ṭan a ni leh tawh a, hri len vangin March aṭang khan chawlh lai­lawk a ni a, mahse June aṭang khan an chhun­zawm leh tawh a ni.