Judas Priest album 19-na tihchhuah hun tur puang

English heavy metal band, Judas Priest chuan an studio album 19-na tur, 'Invincible Shield' an tihchhuah hun tur an puang.

Kum 2011-a guitarist, Richie Faulkner-a'n a zawm hnua album an tihchhuah pathumna tur leh, kum 2018-a 'Firepower' hnua an album siam leh hmasa ber tur a ni. 'Invincible Shield' hi kum eng emaw chen an buapui tawh a, nakkum March 8 hian tlangzarh an tum a ni. Album tlangzarh hma hian single, 'Panic Attack' chu October 13-ah an tichhuak hmasa dawn a, a trailer pawh an lo pho chhuak tawh a ni. Judas Priest album hmasa ber, Rocka Rolla chu nakkum hian a kum 50-na a ni dawn a ni.