KSI-a'n lunghlua chei mouthguard hmang dawn

English professional boxer, musician leh influencer KSI leh English professional boxer, Tommy Fury-te chu October 14 zan hian ring chhungah an inhmachhawn dawn ta. He hunah hian KSI chuan gold leaf leh diamond-a chei, mouthguard a hmang dawn a, khawvela mouthguard man to ber a ni ang.

British Boxing Board of Control chuan an match neih tur hi professional bout angin pawmsak lo mah se, KSI leh Fury-te hian fight hi neih an tum tlang tho a ni. KSI hian an fight huna a mouthguard hman tur hi pho langin, diamond 108 leh 24 carat gold leaf hmanga siam a ni a, USD 41,000 man a tling a, expert 16-te'n an siam a ni. Mouthguard-ah hian KSI PRIME energy logo an ziak lang bawk.