Billboard 200: Morgan Wallen 'One Thing a Time' a rawn kir

Morgan Wallen 'One Thing at a Time' album chu Billboard Hot 200-ah no. 1-ah a rawn kir leh a, a zawn loin kar 16 chhung chart chung ber dinhmun a luah ta.

"One Thing at a Time" hian kar liam ta khan equivalent album unit 74,000 nei lehin, album sale 2,000 a nei bawk. He album-a hlate hian stream mtd 97.56 an nei tawh a ni. Morgan hian Billboard 200-ah a album pathumte chu hun rei tak no. 1 a nihpui thei hlawm a ni. A hmain 'Dangerous : The Double Album' chu kar 10 chhung a chung berah a lo awmpui tawh bawk.

Chart hmasa lama a chung ber luahtu, Rod Wave 'Nostalgia' chu no. 2-ah a tla thla a, equivalent album unit 71,000 a nei. no. 3-ah Olivia Rodrigo 'Guts' awmin unit 67,000 a nei a ni.

Ed Sheeran chuan a album thar, 'Autumn Variations' chu no. 4-ah rawn lanpuiin, chart top 10-ah album lang thei pasarih a neihna a ni ta. no. 5-ah Zach Bryan self-titled album chu a la awm chhunzawm bawk.

SZA 'SOS' chu no. 6-ah a ding nghet zel a, Travis Scott 'Utopia' pawh no. 7-ah a awm chhunzawm bawk. Taylor Swift 'Midnights' chu no. 10 aṭangin no. 8-ah a rawn chho a, Doja Cat chu no. 9-ah tla thlain Top 10 hi Peso Pluma chuan a rawn khar.