'The Rock' sawisel vangin John Cena-a'n thupha chawi

John Cena chuan Dwayne "The Rock" Johnson chu actor a nih duh avanga wrestling lam ngaihthahah puha a lo sawisel chungchangah thupha a chawi.

Kum 46 mi, John Cena chuan 'The Rock' a sawi dan chu a mawi lo tih a pawm thu sawiin,"Engmah hre loin ka lo sawi a, a mi rinna pawh ka tichhia a ni. A fan ka ni a, The Rock hi WWE lama let turin ka duh a, hemi atan hian theihtawp chhuah pawh ka inhuam. Mahse ka tihdan kha a lo dik lo a ni," a ti.

Kum 51 mi The Rock hian kum 2011 khan wrestling lam kalsanin Hollywood a luhchilh a, hei hi Cena hian sawiselin, wrestling chu a ngai pawimawh tawk lo ni tein a puh. Mahse Cena ngei pawh hian lemchan lam luhchilh ve lehin, Fast X (2023) leh Barbie (2023)-ah pawh a chang a ni.