U2-in Israel Music Festival beihnaa thite pualin hla hlan

U2 chuan an hla, Pride (In the Name of Love) chu Hamas firfiakte'n Israel music festival an beihnaa thite pualin an hlan.

Kar liam ta Inrinni, October 7-a Hamas-te'n Israel an beih khan, Israel chhim lama electronic music festival, Supernova Festival hmangtute an bei tel a ni.

Bono leh a bandmate-te hian Pathiannia Las Vegas-a show an neihah, "Pride (In the Name of Love)" chu festival hmanga hlim taka an zai laia firfiakte beihna tawk a, nunna chantate tan an hlan thu sawiin, American civil rights leader Martin Luther King Jr. pual hla hi hemi zan hian,"Early morning, October 7, the sun is rising in the desert sky/ Stars of David, they took your life but they could not take your pride, " tiin an thlak.