DC-in Jason Momoa thlavang hauh

Amber Heard-i'n 'Aquaman 2'-a a chanpui, Jason Momoa-a'n film an channa hmunah zu a rui nia sawi chu DC chuan thu dik lo a nih thu sawiin, Jason Momoa thlavang an hauh.

Amber Heard leh a pasal hlui, Johny Depp-te inkhin lai khan Jason Momoa hian Amber hi a mawi lo zawngin a sawi chhuak ngai lo. Mahse Amber hian a therapist Dr Dawn Huges bulah Jason Momoa chungchang sawiin, Mera role a channa aṭanga paih chhuahtir tum leh, an film channa hmunah pawh zu a rui a, Johny Depp anga a rawn inchei thute a sawi.

Jason Momoa chuan Amber Heard-i puhna chungchang hi a sawi zui duh lo a, mahse, DC thupuangtu chuan a thlavang hi hauhin, Momoa hi film channa hmunah mawi lo taka a awm ngai loh thu an sawi. Therapy note-ah hian Amber-i'n film director James Wan a sawiselna thu pawh dah lan a ni a, Depp nen thubuai a neih avanga a enhran thute a sawi bawk.