Mayweather-a'n Israel tan chhawmdawlna thawn dawn

Boxing legend, Floyd Mayweather Jr. chuan Hamas firfiakte beihna tuartu, Israel chhawmdawlna tur chu a private jet hmangin thawn a tum.

Floyd hian Israel-a chhawmdawl hna thawktu pawl chu zawmin, Israel sipaite leh civil mite tan ei tur, tui leh bulletproof vest thawn a tum. Social media lamah pawh Israel-te a thlawp thu pawh a lo sawi tawh bawk. Hamas-te'n an hren mekte pawh him taka an chhuah thuai a beisei thute a sawi.

Kum 46 mi, Mayweather hi midang ṭanpuina kawngah a che chhuak fo. Hawaii-a Maui ram kang nasa tak tuartu, chhungkaw 70 dawnte chu an ei tur leh, hotel-a an awmna turte pawh a lo ngaihtuahsak tawh bawk a ni.