Women’s Polytechnic-ah USHA Silai School Programme hmang

Women's Polytechnic, Aizawl-ah nimin khan Usha Classical Silai School Teachers Training Inauguration programme hman a ni. He programme hi Usha International Ltd. leh Bethany Society, Shillong, Meghalaya te ṭangkawp buatsaih niin, beneficiaries mi sawm(10) te hnenah a thlawnin khawl sem a ni.

Beneficiaries-te hi Women’s Polytechnic, Aizawl aṭanga Garment Technology zir chhuakte an ni a, khawl an dawn bakah kar hnih training neihpui an ni dawn.

Nimina Women's Polytechnic, Aizawl Multipurpose Hall-a hun hman hi Marly Zodinpuii, Programme Co-Ordinator-in a kaihruai a, Training and Placement Officer Susan R. Ralte chuan fuihna thu sawiin, Chief Guest Dr H. Lalchhuanvela, Principal-in beneficiaries-te hnenah khawl hi a hlan a ni.