DDK-ah Zirsangzela Hnamte pualin hun hmang dawn

DDK Aizawl chuan Mizo zaithiam fam tate puala hun a hman ṭhin, 'Zo Awi Zunzam' episode 6-na chu zanin dar 7:00 - 9:00 inkar hian a hmang leh dawn. Tun ṭumah hian zaithiam leh hla phuah thiam, Zirsangzela Hnamte pualin hun hman a ni ang. He programme hi Live-in an pe chhuak dawn a ni.

Zanina 'Zo Awi Zunzam' hmannaah hian tunlai zaithiam hriat hlawh tak tak - T. Vanlalhmangaihi, Vanlalduhawma Hmar, K.Lalthlamuankimi, Israel Lalbiakrema, Lallawmawma, Lalhungchhungi Pachuau, Eddie Pachuau-te'n Zirsangzela Hnamte hla phuahte an sa ang. Mahruaii Pachuau-in a host ang.

Zirsangzela Hnamte chhungte leh ṭhenrual ṭhate pawh an inlan dawn a, thusawi tur zingah a ṭhian ṭha, Ramhluna Hnamte pawh a tel a ni.