KISS lakah thubuai theh lut

American rock band, KISS chu kum 2021, October thlaa tour an neih laia guitar tech, Francis Stueber chu Covid-19 hripui vanga a thih avangin thubuai siamsak an ni.

Francis Stueber nupui, Catherine Stueber chuan KISS rocker Gene Simmons leh Paul Stanley-te bakah, an manager Doc MgGhee lakah thubuai hi an thehlut. Detroit-a an awm laiin Stueber hian Covid-19 hri hi a kai a, hotel-a awm tura tih a ni a, mahse damdawi thiam endiktu tur pawh tirh a ni lo a, a hnuah midang an koh leh pawh chu hotel-a a thlen hian Stueber chu a hri kai vang hian a lo thi hman tawh niin a sawi. An thlenna, Marriott hotel leh tour promoter Live Nation lakah pawh thubuai hi a theh lut bawk.