Lehkhabu bawm: Lehkhabu thar 'Beiseina Eng'

Dr Lalmalsawma Nghaka lehkhabu, 'BEISEINA ÊNG: Sorkar ṭha leh mipui chakna' chu nimin October 13, 2023 khan HYVE, Aizawlah Dr.Tawnenga, Principal, Mizoram Christian College-in a tlangzarh.

He hun hi Zonuni Pachuau-in a kaihruai a, David Lalrinchhana, Research Scholar (Ph.D) MZU-in thlirlawkna hun a hmang bawk.

He lehkhabu 'Beiseina Eng' (Sorkar ṭha leh mipui chakna) hi Mizoram leh hnam dinchhuahna tur atana kawng inkawhhmuhna lam hawi a ni. Ram dang leh India ram state ṭhenkhatte hlawhtlin tawh dan aṭangin Mizoten kan din chhuah nana kan ṭangkaipui tur hrang hrangte tawi fel taka ziahna lehkhabu a ni.