Mawitei hla thar zaninah

The Chosen-a mi, Mawitei chuan music video thar a peih ta a, zanin hian Zonet chuan a tichhuak ṭan ang. Mawitei video thar tur hi 'A thla muan ang che' tih a ni a, Dr. Luke-a mi, Mamuana leh Ruata te phuah a ni. Khawvela lawmna leh hlimna zawng ṭhin ten Pathian hnen an pan chuan thlamuanna famkim an chan tur thu puanchhuahna hla a ni.

"He hla hi a nalh ka tia, sak a nuam ka ti hle bawk. Ngaihthlak nuam chi a ni a, puak ṭhak chi a ni lo," a ti. "A music genre chungchangah sawi thiam a har khawp mai...a nalh viau ang. Mizoah chuan hetiang lam chi hi a lam tam lo hle," tiin Mawitei hian a sawi.

Ama puala a music video hmasa ber 'Ka thlang ber zel ang che' tih hnua a music video hmasa leh ber a ni a, 'Ka thlang ber zel nag che' tih hla hi kum 2014-a mi tawh kha a ni a, a chhang a kh‚t hle. Kuminah pawh hian tuna a hla thar ni lo, hla dang a tichhuak leh ang em tih a sawi thei rih lo a, hmalak tumna deuh erawh Mawitei hian a nei. Mawitei music video thar tur hi SVP kutchhuak niin India khawpui Delhi-ah shot a ni a, en tlak leh ngaihthlak tlak tak a ni ngei ang.