East region aiawhin Mizo Dancer-te

Kum tina lam intihsiakna pui, khawvel huapa an neih ṭhin, Hip Hop International Championship-a tel theih nana bul ṭan nan Mizo Dance Camp Team te chu Kolkata-a regional audition-ah an zuk inlan a, hetah hian Easter Region represent tura thlan chhuah zingah an tei.

Hip Hop International-ah hian kum 2002 aṭang khan ram 50 chuanga dance crew leh solo dancers hrang hrang ten intihsiakna an lo nei toh ṭhin a, kumin hian Las Vegas, Nevada, USA-ah nghah a ni ang. Mi tam tak chuan hei hi l‚m tana Olympics tia an sawi ve
ṭhin kha a ni. Category hrang hrang a awm a, Dance Crew bikah, naupang tan Junior Category, tleirawl tan Varsity Category, puitling tan Adult Category te a awm a, member 15-40 inkar tan Mega Crew a awm bawk. Heng bakah hian mimal tan B-boying, Popping, Locking bakah, duet tan All styles dance battle te a awm. India bik hi, an tel vawi 5-na tur a ni dawn a, nikum khan Adult Crew Category-ah Bronze Medal an lo la tawh a, hei hi an thlen san ber ṭum a la ni.

Mizo dancers eastern region represent tura thlan chhuahte hian May thla tawpah National Finals, Goa-ah an zuk inel leh dawn a, hetah hian region hrang hrang aṭanga thlan chhuah kal khawm te nen, India aiawh tur thlanna an nei dawn a ni. Tuna Mizo telte tlinna category te chu Adult Crew-ah ZO-NATION, 1on1 Popping Battle-ah Woody Khiangte leh 2on2 All Styles Battle-ah Caasi & Dexis leh Rimanna & Zo-i te an tling a ni.

Adult Crew a tling ZO-NATION ah hian member 8 an awm a, chung te chu MDC Creative Director leh MSL, Faklam Intihsiakah te hming lo chher tawh Alan Rinawma; Frozen Crew member India aiawha South Korea pawh lo kal tawh, Isaac leh Zo-i; MSL dance battle champion Nerds of War-a mi, Naom leh Immanuel; Mizoram Best Dance Crew runner up Riborn-a mi, Marina bakah Mizo lam thiam experience ngah leh Yanis Marshall thleng pawh a lo lampui tawh Zuala leh Chhandami te an ni.