Adele A nun bihchianna

Khawvela album ropui berte zinga mi a nei a, ph˚ng zinga piring vawrh ang maiin a album thar ber '25' chu khawvelin an inchuh a ni ber. Concert a lo buatsaih tawhna ṭhinah ticket a hralh zo satliah a ni lo, a concert-a kal ang zat zet, ticket chang lo a chhevelah an pungkhawm ṭhin. Chutiang taka hlawhtling leh music aṭanga sum lalut hnem Adele hian larna khawvel, nawmsakna khawvela nun lem hman ai chuan nun tak tak a thlahlel zawk.

'19' leh '21' album aṭang ringawt pawh khan a hausa tawh a, mahse Adele hian in ropui tih vel a ngaihsak lutuk lo. Tunhnai deuh aṭang khan in ropui a nei ve ṭan. London-ah in ropui pahnih a nei nia hriat a ni a, in pakhat hi Brighton-ah a ni a, pakhat dang hi Sussex-ah a ni thung. Hei bakah hian Malibu-ah USD mtd 5 man in a nei niin an sawi.

Hetiang zawng zawng a ni chung hian Adele-i'n chÍnna atana a duh ber leh, a awm zinna ber chu London khawpui lailia in lian lo tak a ni daih thung. Tleirawl a nih lai aṭanga a awmna hmun a ni a, in ropui pawh a ni lo, in naran ve tak a ni.

Milar dangte hi an hmuhna hmun tam ber chu shopping centre-ah a ni. Mahse hetiang hmunah hian Adele hi hmuh tur a tam lo hle. Milar dangte chuan thawmhnaw maksak tak tak, man to pui pui, a chhuak thar apiang an inbel a, chutiang nena an thlalak chu a thar a awm deuh reng ṭhin. Adele erawh chu a ni ve lem lo a, a thawmhnaw inbel pawh hi a taksa khuh tam thei a ni tlangpui a, sexy tak tak, thawmhnaw inbel tlem taka a thlalak hmuh tur a awm lo a tih theih.

Simon Konecki nena fa an neih hnuah phei chuan Adele hi chhungkaw nu tak tak a ni. Nuam a tih ber chu in chhunga a fa nena hun hman a, London nu pangngaite hun hman dan anga hman a ni. A kal chhuahna ber ṭhin chu a fa, Angelo nena park-a an kal hi a ni. Tute emaw anga party leh huau huau boruakah a chhuak tam lo. A lar hmaa a ṭhiante ngai reng kha a la kawm a, milar dang kher kawm emaw, zui emaw a ti ve lem lo bawk.

Hmeichhe tam tak ang lo takin darthlalang a lawm ve lem lo. Darthlalangah hian a in en kh‚t ve ang reng a, chhuah dawn emaw, eng emaw thil pawimawh a awm dawn te a nih ngawt loh chuan darthlalang hmaah a ding ve chhÍn lo. A thau chum t˚rh nachungin gym-a kal vel hi a duh ve lo a, ei leh in lamah a insum nasa hle, chutihrual erawh chuan Japanese cuisine erawh hnar har a ti em em thung.