Blake Lively leh Ryan Reynold-te'n USD mtd 1 an thawh

Hollywood super couple, Blake Lively leh Ryan Reynold te chuan Israel leh Hamas indona thleng mekah, Israel leh Gaza Strip-a harsatna tawk naupangte ṭanpuina turin US dollar mtd 1 an thawh.

Ṭanpuina sum hi International Committee of the Red Cross (ICRC) hnenah an hlan a ni. Anni nupa hi midangte ṭanpuina kawngah an che chhuak fo. Russia-in Ukraine a run hnuah khan, Ukraine aṭanga raltlante ṭanpuina turin United Nations Commissioner for Refugees hnenah USD mtd 1 an lo pe tawh bawk a, hei bakah Water First Education & Training Inc. hnenah USD nuai 5 an pe bawk. Covid-19 hripui a len tirh khan, Feeding America leh Food Banks Canada-te tan an insem turin USD mtd 1 an pe bawk a ni. Hollywood actor-te'n nawrh an huaihawt meka, sum lama harsatna tawk performer-te ṭanpuina turin USD mtd 1 an theh chhuak bawk.