Retheihna ata hlawhtlinna Milarte hian harsatna an paltlang nasa
Tunlai khawvela mite ngaihven leh mi hlawhtling nia kan ngaih, Hollywood khawvela ropui ber berte hi an hun hmasa lam en chuan harsatna mai bakah, retheihna nasa tak lo paltlang tawh an ni. Chung harsatna leh retheihna an chunga awmte chu inbawhbehtir loin, huaisen takin an hmachhawn a, taima taka thawkin hlawh≠tlinna khawvelah an rawn chuang chhuak ta a ni.
Forbes chanchinbuin khaw≠vela hmeichhe hausa ber a thlan chhuah ṭhin a, lang ṭhin, mi hlawhtling, TV persona≠lity lar Oprah Winfrey hi a hun hmasa lam ngaihtuah chuan a awhawm loh kher mai. Mississippi-ah a piang a, a nu hi Vernita Lee a ni. A nu hi a retheih em avangin amah hi a enkawl zo lo a, Lee chuan a fanu Oprah chu a pi a enkawltir a; a pi pawh hi a hausa chuang lo. A naupanlai aṭangin mi thawmhnaw hak ang hak tur a nei ve lo a, alu bag hmangin a piin kawr a siamsak a, a ha ve mai a, naupang dangten an hmusitin an tihduhdah ṭhin hle. Kum 9 mi lek a nih aṭangin mipat hmeichhiatna kawngah tihluihnaa khawih chingpen a ni a, nun hrehawm zahthlak, lungngai leh kimki chungin a hun hmasa chu a hmang ṭhin. Tunah erawh chuan a hausakna hi USD tld 2.9 zet a ni tawh.
Forbes chuan Celine Dion hausakna hi USD mtd 800 zet niin a tarlang a, he a hausakna hi khehpuam emaw aṭanga a hlawhchhuah a ni lo, Celine Dion hian retheihna aṭangin, thawhrim, tawrhchhel leh tumruhna hmanga a hlawh chhuah a ni. Charlemagne, Quebec, Canada chhuak a ni a, an unau hi 14 zet niin a naupang ber a ni. Vanity Fair-a a sawi chu, "In te em emah kan khawsa a, sum leh pai neih engmah kan nei lo a, mahse kan rethei lo," a ti. "Hmangaihna, inngaihsak leh induhsakna kan inpe thung a, thil dang inpek tur kan chhungkua chuan engmah kan nei lo," a ti.
Tawnzau chauh haa a music video pawh hlawhtling ta em em rapper ropui Eminem hi a nuhoa chengin, Missouri leh Michigan kar tawn a, eizawnna ṭha zawk ngaihtuah reng renga pem pem mai anni. Mi rethei vengah an cheng a, a naupanlai chuan school-ah te chhaihnawmnah leh tihduhdah a ni ṭhin. An tihduhdah nasat em avangin a nu hian a kalna school pawh court-ah a khin phah hial.
Sarah Jessica Parker te chhungkua pawh hi an hausa lo. US angah te chuan electric chhit man pek theih loh avanga Íng nei lo khawpa awm hi BPL hnuai anga an ngaih khawpa rethei an ni a, chutiang chhungkua aṭang chuan Jessica Parker hi a seilian a ni. A nu hi a fakawm khawp mai; retheiin, an Íng chhitna man pawh nei zo lo mah se, Parker-in l‚m a tuizia a hria a, a theih ang angin a pui a, a hnuah chuan a hlawhtling ta a ni. Tunah hian Sarah Jessica Parker hausakna hi USD mtd 90 vel zet a ni tawh.