Nonoa hmingin 'Dances of the Myriad'

Nonoa'n a ṭhian - Jovol Bell, Scott Kinsey leh mdangte sawma album buatsaih a lo tum, a tihpuitlin hman tak loh 'Dances of the Myriad' hmingchawia nikum aṭanga live show an lo buatsaih ṭan tawh chu chhunzawm leh a ni dawn.

Dances of the Myriad hi Zirtawpni zan dar 7 hian Tourism Dept. Hall, Beraw tlangah neih a ni dawn a, hetah hian musician ṭha leh band hlun, kan hmuh zen zen tawh lohte an che ang. Band che turah hian hun eng emaw chen lo tiho tawh lo, Bad Combination chu headliner tur an ni dawn. Anni bakah hian Edd and the Dancing Momos, Timothy Sailo, DJ Pinky ten hun an hmang bawk ang.

Nonoa damlaia a inleng ṭhin leh a rimawi tuipui ṭhian intelkhawm ṭhenkhatten show an buatsiah leh tur hi rock show ngawr ngawr bakah, Pre Vanlentine's Day Party a ni pah ang. Ticket hi Rs. 200 man tur a ni a, a hmunah lei tur a awm ang.