Lehkhabu bawm: Thingserh II (Ram leh hnam din chhuahna) tlangzarh

Vanglaini columnist, F. Vanlalrochana lehkhabu pasarihna, Thingserh II (Ram leh hnam din chhuahna) chu nimin khan Hyve Aizawl City Hall-ah tlangzarh a ni a, ziaktu lar Lalhruaitluanga Chawngte in a tlangzarh.

Lehkhabu ziaktu F.Vanlalrochana chuan a lehkhabu ziah chungchang sawiin, "Kan ram leh hnam kal zel dan tur ka ngaihtuah a, chutianga kan nun kan hman chuan, kan hnam a dam ang a, keimahni pawh kan dam ang tih ngaihtuahna nen he lehkhabu hi ka ziak a ni," a ti.

Lehkhabu tlangzarhtu Lalhruaitluanga Chawngte chuan

F. Vanlalrochana chu thil chhiar zau tak a nih thu sawiin, hetiang mi hi kan ramin a mamawh a ni, a ti. A lehkhabua a thuziak chuan ṭhangtharteah rah ṭha chhuah se a duh thu a sawi.

Nimina lehkhabu tlangzarh inkhawm hi Hmingsanga'n a kaihruai a Dr Laldinpuia, College vengin hunserh a hmang. Thingserh II thlirlawkna hi Lalnunṭawma Fanai chuan a nei bawk. Lehkhabu hi lehkhabu dawr hrang hrang leh online-a lehkhabu zuarte hnenah lei theihin a awm dawn a ni.