Kanye West-a'n a album thar gospel-a rin luh a tum!

Kanye West chuan a album tihchhuah tur a fak hle a, 'Gospel album' anga chhuah hial a tum! Engtiang tak nge tih a sawi chhuak tam lo a, keini ngaiha Gospel tih chi a ni em tih pawh hriat a har viau nain, keini tan chuan chuti taka Gospel chu a ni hauh lo ang.

Kum 38 mi rapper hian a studio album pariatna tur a buaipui mek a, hemi chungchang hi sawi chhuakin, "He album hi gospel album a ni; ‚nchhe lawh leh
ṭawngkam chhia tam tak awm mah se, gospel album a nihna a bo chuang lo," tiin Big Boy Radio-in an kawmnaah a sawi. West hian Pathian a ring tih a sawi bawk.

"Ka album-a zaa 1 emaw 2 emaw vel lek hi ka thawh a ni a, a bak hi chu Pathianin a ti vek mai a ni," a ti, a rau rem rem hle! Hman deuh khan Kristian a nih thu a tlangaupui hluai a, dentist a pan laiin siamtharin a awm niin a sawi. Hemi ṭum hian a nun chhungril chu m˚k taka ngaihtuahin a en let a, chutah chuan siamthar a ni ta niin a insawi a ni.

Kanye West album thar tur hming ber hi hriat a har tawh khawp mai a, a hming a thlak zing tawh lutuk a, a ngaihna chiah pawh hriat a har. A vawi lina atan West hian a album hming hi a thlak leh a, 'So Help Me God' a ti leh ta. Swish te a tia, Waves te a tia, tuna a thlak ang hi a pu tak tak tawh ang em tih pawh a hriat loh. Hla 11 a awm ang.