Kristian film chhuak thar tur ‘Awma Ka Ni’

Kristian movie chhuak thar tur a awm leh ta a, 'Awma Ka Ni' tih a ni. He film hi a taka thil thleng behchhana siam niin, Bible chang innghahna atan Exodus 3:14 a mi 'Awma ka ni' tih an hmang.

He film director hi Vanlalawmpuia (Opix Renthlei) Dawrpui Vengthar a ni a, ani hian a script hi a ziak nghal bawk. A story hi kum 2020-a a ziah niin, kum thum chhung an buaipui hnuin October 26, 2023 zan hian Vanapa Hall-ah an tlangzarh dawn.

Film siam lama tawn hriat nei ṭha, Kima Renthlei (obG production) chu cinematographer a ni a, belhchian a dawl viau tura ngaih a ni. 'Awma Ka Ni' hi Zothanpuia Sailo (Mr. Bond Entertainment) produce a ni bawk.

A changtute zingah hian film lama tawn hriat la nei lo, mi thar kan hmu nual dawn a ni. Chutih rual chuan ṭhalaite'n kan hmelhriat sa - PC Lallawmzuali, Jasmine Chinzah leh Jonathan Lalpeksanga Colney te chuan role pawimawh tak an play dawn a ni.

He film-in a tum ber chu Pathian awm ring lo leh rilru leh thlarau lama harsatna neite'n Pathian hmel an lo hmuh theih a ni a, entute tan nun thar kawh hmuhtu a lo nih theih nan an hlan.

Premier zanah hian a duh apiang tan chhim theih a ni dawn a, ticket Rs. 100 man a hmunah lei tur a awm ang. Application lamah dah a nih hmain show kalpui tura ruahman a ni bawk.