Smartphone ṭhenkhatah WhatsApp a tawp dawn

Android leh iOS smartphone ṭhenkhatah October 24 aṭangin WhatsApp a hman theih tawn dawn loh.

WhatsApp chuan an official website-ah hei hi tarlangin, Android OS 5.0 leh a hnuai lam bakah, iPhone-ah iOS 12 hma lamah WhatsApp support-na chu tihtawp a ni dawn tih a sawi. Hetiang software version hmang tan an device update a ngai dawn a ni. Heng phone hmangtute hnenah hian WhatsApp chuan notification a thawn bawk ang. WhatsApp hian feature thar leh safety option thar a siam chhoh avangin hetianga a tih hi a ngai tih a sawi.