One In Christ member Lalruatdiki Chhangte kan chan ta

One in Christ member Lalruatdiki Chhangte chu May 22 zan dar 10:30 khan thluaka khawsik lut vangin kum 28 mi niin a thi.

Lalruatdiki hi kum 2013 aṭang khan OiC-ah a tel ṭan a, a thih thleng hian Asst. Leader a ni. MissionVeng Pastor Bial Zaipawl member leh Bible Society soloist a ni bawk.

Kum 2018 aṭang khan insawisel ṭanin, kumin January khan damdawi-inah dah luh a ni a. February thla chawhnu lamah damdawi-in aṭangin chhuak mah se, a dam chian theih loh avangin NEIGHRIMS, Shillong-te panpui a ni. April thla tâwp lamah Synod Hospital, Durtlangah luhpui leh a ni a, May 5 aṭangin biak theih loha awmin, hemi zan hian ICU-ah dah luh a ni. Thluaka khawsik lut tih hriat chhuah a ni a, ICU-a a luh zan aṭanga a thih ní thlengin a harh chhuak ta lo.

Ruatdiki hi Inrinni khan Mission Venga an inah vui a ni a, OiC Family-te'n hla pahnih hmangin an thlah liam a ni.