Beisei lawk angin Future-a
Adele album hit a awm a, Rihanna a awm bawk a, Justin Bieber te an awm nachungin Future hian a ropuina a rawn tilang fiah zual a ni ber. Billboard album chart-ah pakhatna a hauh.
Future-a album Evol hi kar liam ta chhung khan copy 134,000 zet a hralh a, heng zinga copy nuai khat hi album pangngaiin a ni. Thla sarih tling lo deuh liam ta khan Future hian album a lo ti≠chhuak tawh a, hei pawh hian pakhatna a luah chiang hle. Tuna a album thar Evol te nen hian Future hian Billboard album chart-a pakhatna hauh thei album pathum a nei ta.
Adele album 25 chu pahnihnaah a awm a, copy 121,000 zet a la hralh thei a, Rihanna albu, Adele avanga nikum November thlaa a release ngam loh, Anti album hi pathumnaah awmin, copy 96,000 a hralh.
Coldplay-in Superbowl an chhawr a, top 4-ah an rawn lang. Superbowl hma khan Coldplay album 'A head full of dreams' hi Billboard 200-ah 16-naah daih a awm a, Superbowl-a an show hnuah he album hi copy 96,000 hralhin palinaah a rawn lawn kai thei a, Rihanna an rawn tluk a ni. Justin Bieber-a album chu panganaah a lang bawk.
Billboard album chart
"EVOL" - Future (134,000)
"25" - Adele (121,000)
"Anti" - Rihanna (96,000)
"A Head Full of Dreams" - Coldplay (90,000)
"Purpose" - Justin Bieber (73,000)
"Khalifa" - Wiz Khalifa (64,000)
The "Now 57" Album - Various Artists (63,000)
"Wonderful Crazy Night" - Elton John (58,000)
"Blurryface" - Twenty One Pilots (42,000)
"Islah" - Kevin Gates (40,000)