Ṭanpui vartu Sonu Sood-a'n fak a hlawh

Bollywood actor lar Sonu Sood chuan khawpuia hnathawka awm, hripui leng vanga mahni khaw lama haw turte tan ṭanpui vartu hnai reng a nihzia lantirin mi 750 hawna turin bus 21 a tumsak tawh.

Mumbai khawpuia in­hlawh­faa awm, Karnataka leh Uttar Pradesh-a haw tur­te chu an hawna tur hi a tum­sak a, a hmalakna pakhat Char Bejo hnuaia a tih niin a hmalakna hian fak a hlawh hle. Sonu Sood hian social media kaltlangin hawna tur nei lote hi amah bepawp turin a hriattir a, a hmalakna hi 

ṭha an tih em avangin a ṭhian ṭhen­­khatte pawhin pawisate pawh an tumpui ve hial. Ni 10 lo la awm leh tur chhung hian bus 100 vel chu hawna tur nei lote tan hian tumsak leh a tum niin media ṭhenkhat chuan an tarlang bawk.

Sonu Sood hmalakna hian fak a hlawh hle a, 'real life superhero'-ah puangtu an tamin social media lamah pawh an fak nasa hle. Chung zingah chuan Maharashtra minister leh NCP leader Jayant Patil leh Union minister  Smriti Irani-te pawh an tel a ni.