Taylor Swift leh Kanye West

MTV Music Awards sem ṭumin Taylor Swift-in award a dawn chu Kanye West hian stage-ah tibuaiin a lo sawiselsak chiam tawh a, a hnua award dang a dawn lehah pawh chuti bawk. Chuan Kanye West hian a hla thar 'Famous'-ah Taylor Swift chanchin mawi hnai lo takin a chham chhuak a, he hlaah hian amah avang chauhin Taylor Swift hi lar niin a sawi bawk. Hei hi Taylor Swift chuan chhang letin, Album of the Year a dawn a, a acceptance speech-ah hriat thiam theih turin a sawi chhuak. "Grammy-ah hian hmeichhe zinga Album of the year vawi hnih dawng thei hmasa ber ka nihna angin he thu hi hmeichhia, la naupang zawkte hnenah ka sawi duh a ni: I hlawhtlinna leh i larna kawngah mi tute emaw i kawng dal tum an awm ang, chutiang karah pawh chuan i hna leh tih tur chauh ngaihtuah la, chung mitena i kawng an d‚l phal ngai suh. Eng tik niah emaw i kalkawnga hlawhtlinna i chan hunah chuan, nangmah hmangaiha thlawp tlattute avangin dinhmun ṭhaah i ding ta tih i inhre thei dawn a ni," a ti.