Tunge Celia Cruz?

Grammy-a Lifetime Achievement Award an pek kha Celia Cruz a ni a, mi tam tak chuan kan hre lo ang. Ani kha a zaithiam em avangin Latin American te chuan Queen of Latin Music ti hiala an sawi a ni.

Kum 1925 khan Havana, Cuba-ah a piang a, a pa leh a chhungte chuan school zirtirtu ni turin an duh a, chutiang nihtir chu an tum
ṭhin. Mahse Kraws-i (Cruz = Kraws) hian music a ngaina a, zai lamah a kal lui ta a ni. Kum zabi 20 chhung khan Latin khawvelah chuan zaithiam lar leh chuai thei loa ngaih a ni a, gold album ringawt pawh 23 a nei a, Grammy pawh paruk ngawt a lo dawng tawh a, tun ṭuma mi nen pasarih a dawng ta a ni.

Kum 2000 chho aṭang khan cancer natnain a tlakbuak a, a thluak cancer avangin kum 2003 khan he khawvel hi a lo chhuahsan ta a ni.