Billboard 200: Drake-a'n No.1 ni thei album 13 a nei ta

Billboad 200 album chart tharah Drake-a studio album, 'For All the Dogs' chu no.1 a rawn ni a, chart chung bera awm thei album 13 a neihna a ni ta.

Canadian rapper hian a album thar hi October 6 khan a tichhuak a, equivalent album unit 402,000 neiin, kumina album tihchhuah tawha unit nei thei tam ber palina a ni. Drake hian Billboard 200-a no. 1 ni thei album neih tam lama Taylor Swift rawn khumin pathumna a ni thei ta a ni. No 1 album nei tam ber chu The Beatles niin 19 an nei a, a dawttu chu 14 neitu Jay-Z niin, Taylor Swift-in 12 a nei bawk.

Chart tharah hian Morgan Wallen 'One Thing at a Time' chu pahnihnaah tla thlain, equivalent album unit 72,000 a neih belh leh. Rod Wave 'Nostalgia' chuan unit 59,000 neiin pathumna a ni a, palinaah unit 59,000 dawn nei pha, Olivia Rodrigo 'Guts' a awm a ni.

Zach Bryan-a self-titled album chu panganaah a la awm chhunzawm a, SZA 'SOS' pawh paruknaah a la ding nghet. Taylor Swift 'Midnights' chu no. 7-ah a rawn chho a, Travis Scott (II) 'Utopia' chu no. 8-ah a tla thla thung. Noah Kohan 'Stick Season' pawh Top 10-ah a rawn kir leh a, Taylor Swift chuan on. 1 dinhmun a lo luahpui tawh, "Lover' hmangin Top 10 a rawn khar.