Dan bawh-chhiat avangin Madonna sum chawitir mai thei

Queen of Pop, Madonna chu London-a world tour zan hnihna a neihnaaah show curfew siam a bawhchhiat avangin £300,000 chawitir a ni mai thei nia report a ni.

Kum 65 mi ni tawh, Madonna hian Pathianni zana London-a O2 Arena concert a neihah khawl lam chian loh avangin a ṭan mai thei lo a, hei vang hian a show pawh a tihtawi phah. Heti chung hian show curfew siam, zan dar 10:30 thleng bak neih khapna chu a bawhchhe tel ta tho a, zan dar 11-ah a tawp thei chauh a ni.

O2 operators AEG leh Transport for London-in curfew rules an siamah hian zan dar 10:30 thleng bak show hi neih khap a ni a, hun bithliah bawhpelhte chu minute khatah £10,000 zel chawi tura tih an ni. Madoona hian darkar chanve zetin bawhchhia a ni.