Khawvela smartphone man tlawm ber
Vawk sa kg khat manin smartphone i lei thei dawn a, tukin aṭangin a book theih nghal ang. He smartphone hi Freedom 251 a ni a, a man hi Rs. 251 chauh a ni. He phone siamtu, Ringing Bells chuan he phone hi India sorkar laipui ṭanpuinaa an siam, Make in India programme hnuaia an siam a ni tih an sawi. Ringing Bells hi Noida-a awm a ni.
Freedom 251 phone hi a hmai inchi 4-a hlai a ni a, SoC quad core processor-ah a hmang a, a clocked speed hi 1.3GHz a ni. 1GB RAM a ni a, inbuilt storage hi 8 GB lai a ni a, MicroSD card, 32 GB thlenga lian a vuah theih bawk.
A camera erawh hi chu ṭha tak a ni lem lo. A hnung lam hi 3.2 MP a ni a, a hma lam hi 0.3 MP a ni thung. 3G a hman theih ang a, Wi-Fi connectivity a awm a, a battery hi 1450mAh a ni. Apps dah sa a awm nual dawn a, chungte chu Women Safety, Swachh Bharat, Fisherman, Farmer, Medical, Google Play, WhatsApp, Face≠book, leh YouTube te a ni. Kum khat warranty a awm ang a, India ram hmun 650-ah service centre a awm bawk. Operating system-ah hian Android 5.1 Lollipop a hmang. I lo book lawk ve duh a nih chuan freedom251.com ah lo en ve rawh le.