Van Jubilee Dar album a chhuak dawn hnai

Zo rimawi khawvela kan hriat ṭhan ṭhin hmeichhe pathum chuan Operation Kingdom Ministry an din a, he rawngbawlna atan hianmusic video album an buatsaihin, tunkar Zirtawpni zan dar 6:30 hian Chanmari YMA Hall tlangzarh a ni ang.

Album tihchhuah tur hi 'Van Jubilee' dar a ni a, Ruatpuii, Remthangi Pautu leh Tetei siam a ni. He hlaah hian hla 10 a awm dawn a, hla pathum ṭheuhin a malin an sa ang a, album hming put chhan hla 'Van Jubilee Dar' hi trio-in an sa thung. Hla lar tawh tlem leh hla thar dang a awm dawn. Hla lar tawh zingah 'Halleluia Chorus' te, 'El Dorado' te 'Amen' tih hla te a ni. 'Van Jubilee Dar' tih tak hi Myanmar lama Mizo, rawngbawltu langsar leh zaithiam Lalhrilliana te khan an lo s atawh ṭhin.

Operation Kingdom Ministry hi kum 2014 khan Ruatpuii, Remthangi Pautu leh Tetei tena an din a ni a, ruihhlo ngaite an enkawl a, centre hranpa an la neih loh avangin anmahni inah te an enkawl ṭhin a, a ṭul angin anmahni sum sengin home leh centre-ah te an dah bawk. Mizorama mi mai bakah Manipur leh Myanmar lam mite pawh an enkawl. Heng ruihhlo ngaite enkawl nan hian kawtthlerah te zaiin vehbur an khawn ṭhin.

He ministry hian tuna an hmachhawp mek chu ruihhlo ngaite enkawlna tur hmun bik, centre din a ni a, chumi atan chuan sum pawh an theih ang angin a tuak chho mek. Tuna album an siam pawh hi centre dinna tur sum tuakna a ni.