Music Video thar nen Magdalene an lo kir

Mizo Gospel band zinga daih rei leh hit ber tia chhal ngam, Magdalene Band chu kum 2008 kal taa an music video tihchhuah hnu kum 15-na pualin Music Video thar nen an lo kir e. The Friday Show Youtube Channel-ah zanin hian en leh ngaihthlak theihin chhawp chhuah a ni dawn.

An hla thar tur hi 'Paradis' tih niin van lam ngaihna hla a ni. Music Video hi tunlai a videographer lar, Moonshine-in an khawihsak a, recording erawh Aeris Records-ah an ti thung. Magdalene Band hian The Friday Show lamah interview nei nghalin, an interview-na hi LPS lamah en theihin a awm ang.